INVIA | KAAPSTAD
InVia Kaapstad is 'n kontemplatiewe geloofsgemeenskap in Kaapstad. Skakel in by die volgende:
SIRKELS
As gemeenskap fokus ons op sirkel geleenthede. Buiten die twee bestaande sirkels, is daar tans nuwe sirkel geleenthede wat vorm aanneem in Houtbaai, Durbanville en Bellville. Ons kyk ook na die opsie om 'n sirkel in die stad op 'n Sondagaand te hou. Indien enige iemand 'n spasie het wat hulle kan beskikbaar maak - laat weet asseblief! Ons sien hierdie as 'n organiese ontvouing: soos wat daar behoefte is, sal ons probeer om mense in te skakel. Volg asb. hierdie skakel indien jy by 'n sirkel wil inskakel...
INSIG LEERERVARING
InSig is 'n ander inisiatief wat direk uit Kaapstad ontstaan het uit jul terugvoer verlede jaar. Die aanlyn byeenkoms wat twee keer per maand op Zoom plaasvind, het ver buite die Kaap se grense gegroei en ons is baie opgewonde oor die belangstelling in die verskillende fasette en geloofsgewoontes van 'n kontemplatiewe lewensstyl. Ons is ook in die proses om die sessies as 'n podcast beskikbaar te maak. Verder het ons 'n InSig hulpbron spasie op die web geskep waar elke InSig tema omskryf word en bronne vir verder ontdek en studie gedeel word.
Lees gerus meer of registreer HIER vir die volgende geleentheid. (Onthou om vir elke tema apart te registreer...)
IN RITME
Stilte in Kloof - 'n Ritme wat steeds voortgaan na 8 jaar. Elke 'onewe-getal' Maandae 7:30 - 8:15 by 1 Kloof Nek Road - Schoenstatt kapel by Villa María. Ons doen meestal Centering prayer of 'n langer examen.
RSVP by Hannelore 084-404-5080
'Centering Sound Bath' - hierdie is 'n nuwe ritme wat in die Wembley Virgin Active gym aangebied word Maandae 12:45 en Donderdae 17:45. Ons neem deel aan hulle Crystal Bowl Soundbath, maar stel vooraf vir onsself 'n intensie vir die 'practice'. Ons het dit begin omdat 'n paar Kaapse mense reeds 'n lidmaatskap by Wembley het. Jy is welkom, al het jy nie 'n lidmaatskap by die gym nie, om 'n gratis 'guest pass' te kry.
RSVP by Hannelore 084-404-5080.
Vrydae Kaapse Camino - ons loop elke Vrydagoggend 7:30 - 8:30 in of rondom Tafelberg voor werk. Dis 'n gemaklike stappie meestal op die pad naby die kabelkarretjie, so geen uber vlak van fiksheid word verlang nie.
RSVP by Hannelore 084-404-5080.
In Silentio is steeds elke Sondagaand - in die winter 18:00-18L45 by 2 Derry Rd, Rondebosch.
RSVP by Hannelore 084-404-5080 of Anna-Lize 082-518-9947
CapeTownColdPlunge - daar is 'n hele paar groepe / individue wat hierdie ritme daagliks / weekliks beoefen by 'n paar verskillende Kaapse Strande. Jy is welkom om by Hannelore navrae doen: 084-404-5080.
IN GEMEEN AANLYN
InGemeen is steeds op Sondae oggende beskikbaar op ons YouTube kanaal. Daar is ook 'n argief van vorige preek reekse beskikbaar. Dit is ook heerlik om mekaar so nou en dan by Stellenbosch se InPersoon dienste by Weltevreden Estate raak te loop en saam die liturgie, stilte moment en gedagtes te ervaar.
Nuus:
Wil jy op hoogte bly van ons algemene nuus oor InVia? Teken in op ons eposlys.
VOLG OOK ONS SOSIALE MEDIA PLATFORME:
