Een oggend vertel ek vir een van ons katte ’n vreemde storie: Sy was eers ’n skoenlapper, maar toe spin sy haarself in ’n kokon toe en kom uit as die mooiste wurm wat daar is. Miskien is dit hoe die storie van genade ook baie keer kan klink. Asof dit van jou ’n wurm (of seker eintlik ’n ruspe) maak om begenadig te wees. Miskien ’n geliefde ruspe, soos my kat, van wie ek nooit iets leliks sal dink nie, maar nogtans, nie ’n vlinder nie. Ons wat hierdie skat in ons het, is maar